Virelay 77 : Je languy prez de la mer (DCCLXII)

Virelay

            Je languy prez de la mer,    202a
            Pour un doulz bruvage amer
                        Qu’Amour depart,
            Dont j’ay doloureuse part
5                      Pour bien amer.

            Car ma grant soy, main et tart,
            Par desir me seche et art
                        Et fait doubler
            Ma dolour par un regart
10        Sy doulz qu’en mon cuer repart
                        Maint dur penser.

            Et lors me fait embraser
            Celle douçour qui n’a per
                        Du feu couart
15        Amoureux qui ne s’en part
                        Pour moy tuer.
            Je languy pres de la mer etc.