Virelay 76 : Bonne, nelle et bien amee (DCCLX)

Virelay

            Bonne, nelle et bien amee,
            De toute honeur renommee
                        Et d’umilité,
            De douceur et de pité,
5          Estes plus qu’autre loee.

            Vo gens corps, vo loyauté,
            Vostre arroy, vostre beauté
            Monstrent dont vous estes nee,    201d
            Vostre noble parenté,
10        Et la grant benignité
            Dont vous estes aornee.

            Car vostre maniere agree
            A tous comme desieree.
            Pour vostre bonté,
15        Avéz nom et dignité
            D’estre royne couronnee.
            Bonne, belle [et bien amee.]

            Estre doit reconforté,
            Joye avoir, paix et seurté,
20        A qui vous seréz donnee.
            Tous biens ara a planté,
            Duché, royaume ou conté
            Du moins vous est destinee.

            Tel vous [doint] Dieux, et lignee
25        Avoir que vostre contree
            Ait transquilité,
            Et qu’amour, paix, charité[1]
            Soit entre vous deux fermee.
            Bonne, belle [et bien amee.]

[1] Ms. et charite