Virelay 73 : Tenebres et nuit obscure (DCCLVII)

Autre Virelay

            Tenebres et nuit obscure,
            Dur temps et pensee dure
            Tiennent mon cuer en travail,
            Quant je ne voy le souleil
5          Qui doit chassier ma froidure.

            Sanz li nul bien ne recueil
            Maiz toute tristece queil.
            Il n’est mal que je n’endure.
            Soulas ne joye ne veil,
10        Ains sui toudiz [en] esveil,
            En penser et en ardure,

            [Pour] la tresdouce figure
            Qui est sur toute nature
            Luminaire non pareil,
15        Qui puet par son tresdouz œil,
            Terminer ma grief pointure.
            Tenebres [et nuit obscure.]

            De li veoir m’appareil,
            Car second n’a ne pareil,
20        Pour ce au souleil la figure,
            Par tenebres, mon[1] resveil,
            Par la nuit, mon grief sommeil,
            Par le temps, mon aventure.

            Maiz ma douce creature
25        Par son resgart la pressure
            M’ostera, dont je me deul.
            Lors fera plus que ne sueil,
            Repus de douce pasture.
            [Tenebres et nuit obscure][2]

[1] Ms. non

[2] Le refrain manque