Virelay 72 : En amendant poursivray (DCCLVI)

Virelay

            En amendant poursivray[1],
            Tout le mieulx que je porray,
            L’estat de roial lignee.         200d
            Ainsi sera esprouvee
5          Ceste devise que j’ay.

            De mieulx en mieux ordonnee
            Yert et condicionnee
            Ma juenesse senz esmay.
            Maiz qui me fera mellee,
10        Ma force sera monstree.
            Puissanment me contenray.

            Aus bons paisiblesseray,
            Et les mauvaiz pugniray,
            Car tous maulx me desagree.
15        […]
            Tous les temps que je vivray,
            En amendant [poursivray.]

            Ma joye sera doublee
            D’acroistre ma renommee,
20        Car tous biens faire voudray
            Et servir sans demouree[2]
            En bien : c’est la flour ainsnee
            Que tousjours obeiray.
            Envers li me maintendray.
25        En amendant [poursivray.]

            Comme pierre aymentee,
            Ces deux mos ainsis entee,
            Est m’amour a li pour vray.
            En amendant [poursivray.]

30        Toute dame yert honnoree,
            De moy cherie et gardee
            En tout ce que je sauray.
            Et se jay est ou ormee,
            De moy sera tant amee
35        Que voulentiers les aray.

            Se j’ay rien, je leur donrray,
            Si non, je leur promettray[3],
            Tant que finance aprestee
            Me soit pour faire donnee,
40        Et ainsi m’acquitteray.         201a
            En amendant poursivray.

[1] Ms. poursiveray

[2] Ms. demourer

[3] Ms. prometteray