Virelay 68 : Oéz de la nonnette (DCCLII)

Virelay

            Oéz de la nonnette
            Comme a le cuer joly :
            S’ordre ne ly puet plere.

            Mes peres et ma mere
5          N’ont plus d’enffans que mi.
            M’envoient a l’escolle :
            Je n’y ay riens apriz
            Fors un mot d’amourette
            Qui m’a fait si gaiette,
10        Que j’auray bel amy,
            Autre rien ne me hette.
            Oéz [de la nonnette.]

            Je sui mal de mon frere,
            Pour ce que j’en yssy.
15        Maiz par l’ame mon pere,
            Je veil avoir mary
            Si comme a Sebilette.
            Ne vous chaille d’abeesse,
            De prieuse autressy,
20        Cure n’ay de maitresse.
            Oéz de la nonnette etc.

            Adieu le moniage :
            Jamaiz n’y enterray.
            Adieu tout le mainage,
25        Et adieu Avenay !
            Bien voy l’aumosne est faitte :
            Trop tart me suy retraitte,
            Certes, ce poise my. 199d
            Plus ne seréz[1] nonnette.
30        Oéz de la nonnette etc.

[1] Saint Hilaire corrige en seray