Virelay 63 : Trop me tient Amour en mue (DCCXLVII)
Virelay
Trop me tient Amour en mue
Qui me mue
Cent foiz le jour la coulour,
Pour l’ardour
5 Et l’amour
De celle qui me partue.
Las ! mar vy l’eure et le jour
Que sejour
Print en sa douce venue
10 Mon triste cuer plain de plour,
Par folour,
Qui sanz partie se tue.
Car elle est partout tenue,
Ciel et nue
15 De hautesse et de coulour,
Et d’onnour
Est la flour
En ce monde recestue.
Trop me tient [amour en mue.]
20 Las ! petite est ma valour.
Ne voy tour
Que ma mort soit secourue,
Ne ne puis faire retour 198c
De la tour
25 De sa beauté qui m’argue.
Desir m’assaut, penser rue.
Dieux, ayeue !
Mettéz fin en ma dolour
Sanz demour.
30 Pour l’ardour
Que j’ay ma vie est perdue.
Trop me tient [amour en mue.]