Virelai 61 : Laissiéz ce mal temps aler (DCCXLV)

Virelay

            Laissiéz ce mal temps aler
            Et penséz de resjoir,
            Car b[i]en doit courroux fuir
            Qui veult longuement durer.

5          Pour riens qui puist advenir
            Homs ne se doit desperer[1], 198a
            Maiz se doit ferme tenir
            Et doit le mieulx esperer,
            Car, a tout considerer,
10        L’aage est brief, au mieulx venir,
            Que l’en puet anientir
            Par tristesse demener.
            Laissiéz [ce mal temps aler.]

            L’en ne puet tout acquerir,
15        Ne vivre sans dur parler,
            Pour ce ne faut que souffrir,
            Bien faire, humblement regner,
            Soy nettement gouverner,
            Estre liéz et Dieu servir :
20        Ainsi puet on assevir
            Ce monde et soy faire amer.
            Laissiéz [ce mal temps aler.]

[1] Ms. desesperer