Virelay 59 : Mon cuer, m’amour et mon desir (DCCXLIII)

Virelay

            Mon cuer, m’amour et mon desir,
            A qui je suis homs ligement,
            Riens ne puet estre a mon plesir :
            Je langui amoureusement.
5          Elas ! dont me puet ce venir ?

            Le bien de vous certainement
            A mis mon cuer en ce tourment,
            Tant vous aume, ser et desir.
            En vous a doulx contenement.
10        Riens ne me plaist fors vo corps gent,
            Riens ne puet mon cuer resjoir.

            Je ne puis sanz vo gre joir,
            Ravy suis delereusement,
            En l’ardeur qui le fait languir.
15        Est bien vostre cuer d’ayment ?
            Vous me faictes estre martir.
            Mon cuer, [m’amour et mon desir.]

            Seray je continuelement
            Toudiz navréz si faictement ?
20        Ara tant mes cuers a souffrir ?
            Ce seroit pechiéz vrayement.
            Estre ne doit si longuement
            Mon guerredon sans remerir.

            Or vous suppli qu’au revenir
25        Rendéz joye et esbatement
            En moy, ou il me faut fenir.
            Las ! las ! oéz piteusement
            Ma clamour, ou je vois morir.
            Mon cuer, m’amour et mon desir etc.