Virelay 58 : Qui peut en ce monde avoir (DCCXLII)

Cy commence un moult notable Virelay

            Qui peut en ce monde avoir
            Joye, santé et savoir,
            Tant comme il vit,
            Fol s’il ne luy suffit,
5                      A dire voir.

            Car richesse ou en languit  197b
            Destruit corps et esperit
                        Et fait dolooir
            L’omme qui d’ardure frit
10        D’aquerre crueux proffit
            Pour mauvaiz hoir.

            Chascun puet apercevoir
            Qu’a la fin tout son avoir
                        Pour un respit
15        De mort donrroit, qui occit
                        Du main au soir.
            Qui puet ]en ce monde avoir]

            Et c’est l’aage trop petit
            Qui en dormant desconfit
20                    Et fait paour.
            Viellesse qui n’a delit,
            Gisant en son mortel lit
                        De desespoir.

            La lui vient faire assavoir
25        Joeunesse son estouvoir.
                        La se defrit,
            La pleure, plaint et gemit
                        Sanz remanoir.
            Qui puet en ce monde avoir.

30        Si me samble ue fenit
            Bien son temps, qui s’esjoit
                        Sans esmouvoir,
            Et qui en paix se chevit,
            Sert Dieu, craint et obeit
35                    De son pouoir.

            Pour ce en veul faire devoir
            Et le veul ramentevoir,
                        Ce m’abellit
            Au cuer qui de joie en rit,
40        Pour mieux valoir.
            Qui puet [en ce monde avoir etc.] 197c