Virelay 57 : Or sus, or sus, il faut chanter (DCCXLI)

Autre Virelay

            Or sus, or sus, il faut chanter.
            Riens ne vault le desconforter
                        Ne faire dueil.
            Pour ce leesse prendre veil            197a
5          Et desor moy reconforter.

            Car par grand desconfort me deil,
            Quant maintenir voy en orgueil
            Tout le monde, Envie regner,
            Et que chetif sont en escueil
10        Et nulz n’a aux vaillans cuers l’ueil,
            Dont je voy trestout mal aler.

            Maiz se m’en devoye tuer,
            Ne se puet la chose muer
                        Dont je requeil
15        En moy plus tourment que ne seil.
            Si diray pour mon mal oster :
            Or sus, or sus, [il faut chanter.]

            Liement verité ne desveil :
            Bien faire sanz passer le seil
20        De courroux, loyaument amer
            Doit chascun, faire doulz acueil
            Sanz dire a nullui : je me deil,
            Et tout paciemment porter.

            Bien faire et dire et bien penser,
25        Sanz lui pour riens qui soit tourbler.
            […][1]

[1] La fin manque