Virelay 56 : Bien doy faire triste chiere (DCCXL)

Virelay

            Bien doy faire triste chiere 196d
            Quant ma douce dame chiere
                        Qui porte la flour
            De loyauté et d’onnour
5          Las ! est de moy si arriere.

            Seconde n’a ne premiere
            En bien, en sens, en maniere,
            N’en gentil corps fait a tour.
            C’est l’estoille et la lumiere
10        Qui tous vices chasse arriere,
            C’est la dieusse d’amours.

            C’est ma dame singuliere,
            C’est l’estoc et la banniere
                        De toute douçour,
15        C’est ma dame de valour,
            Vraye, loial et entiere.
            Bien doy [faire triste chiere.]

            Pour lui sui pres de ma biere,
            Maiz cause en est et matiere
20        Non veoir et long demour
            Qui m’ont mis sir la litere.
            Or convient que je requiere
            Mercy, car pour deshonour

            Me fait demourer derriere.
25        Dont mal n’est qu’a moy [n’]affiere
                        En ceste langour,
            Se vous n’ostéz ma doulour
            Et ce mal a ma priere.
            Bien doy faire triste chiere etc.