Virelay 53 : Ne vous chaille de ma vie (DCCXXXVII)

Virelay

            Ne vous chaille de ma vie
            Et n’ayéz sur moy envie,
            Mesdisans plains de folour.
            Car qui veult bien et honour
5          Dieu le pourvoit, quoy c’um die.

            Mon bien ne vous greve mie,
            Ne mon sens, ne ma folie
            N’amenrist vostre valour.
            De vous n’est riens que j’estrie :
10        Laissiéz moy, je vous en prie,
            User mon temps en baudour.

            Car c’est trop grant villenie
            De parler contre partie,
            Lui absent, en deshonour.
15        Maiz ja n’en seray piour
            Pour jangle ne bourderie.
            Ne vous [chaille de ma vie.]

            Mette chascun s’estudie
            En honour, en courtoisie
20        Et a servir bonne amour,
            Et se gart qu’il ne mesdie
            D’autruy par merencolie,
            Car tel cuide estre millour  196b

            Maintes foys qui ne l’est mie,
30        Maiz en son cuider folie
            Tellement que de son tour
            Chiet en poyne et en tristour
            Et s’en est l’ame perie.
            Ne vous chaille de ma vie etc.