Virelay 54 : Toudiz vous ay loiale esté (DCCXXXVIII)

Autre Virelay

            Toudiz vous ay loiale esté
            Envers tous, sanz iniquité,
                        Car je cuiday
            Vostre cuer en amours plus vray
5          Mille foiz que ne l’ay trouvé.

            Trop legierement m’assenay.
            Si est bien raison se j’en ay
            Au cuer travail, poine et durté.
            C’onques autre de vous n’amay,
15        Et vous me tenéz en esmay :
            Doulx amis, est ce loyauté ?

            Et que vault telle affinité
            Couverte de desloyauté ?
                        Je ne le say.
20        Fors tant que je m’aviseray
            De vivre en plus grant seurté.
            Toudiz [vous ay loiale esté.]

            Richesse vous tient en delay
            Qui destruit maint clerc et maint lay,
25        Par li sont souvent rebouté :
            Bien le voy. Si en parleray,
            Car tel depart desservi n’ay.
            Maiz vous estes reconforté,

            Car double vous estes porté.
30        Barat le vous a ennorté,
                        Pour ce jurray           196c
            Que jamaiz homme ne croiray,
            Que trop y a de fausseté.
            Toudiz [vous ay loiale esté.]