Virelay 52 : Il faut bon avoir son retret (DCCXXXVI)

Autre Virelay

            Il fait bon avoir son retret
            A pluseurs, et propre recet
                        Pour retourner
            Quant mestiers est, et sejourner.
5          Sages est qui ainsi le fait.

            Car du sien puet chascun user,
            Maiz l’en voit service muer
            De grant seigneur quant il lui plaist,
            L’en s’i deveroit bien mirer
10        Et a sa chevance tirer
            Et de loing pourveoir son fait.

            Car se sires muert, c’est un plait
            De voloir requerir son det :
                        Nes d’en parler
15        Voit on bien les hoirs grumeller.
            Se ne puet on estre en bon het.
            Il fait bon [avoir son retret.]

            Qui lors a pour soy recepter
            Terre ou rente, il y puet aler.
20        Et qui n’a vaillant un navet,           196a
            Triste, dolent se doit clamer,
            Et son temps perdu lagmenter,
            Maiz toudiz doit avoir cuer net.

            Sages est lors qui se retret
25        Et qui aprent engin ou tret
                        Pour recouvrer
            Sa vie et estat par ouvrer,
            Car riens ne li vault son regret.
            Il fait bon [avoir son retret.]