Virelay 46 : N’aréz vous de moy pité (DCCXXX)

Virelay            194c

            N’aréz vous de moy pité,
            Humble fleur d’umilité
                        Et de douçour ?
            Lairéz vous en tel langour
5                      Vostre amité ?

            Quant je perçoy vostre atour,
            Vostre senz, vostre valour,
                        Vostre equité,
            Et qu’en monde n’a meillour
10        Ne plus precieuse flour,
                        En verité,

            J’ay si grant affinité
            A vo douce humanité
                        Et telle amour
15        Dont je faiz ceste clamour
                        En mon dité :
            N’aréz vous [de moy pité ?]

            ― Se tu veulx avoir honour,
            Ne pleure pas ton labour.
20                    Fidelité
            Soit en ton fait nuit et jour,
            Doulx cuer, humble et sans yrour.
                        Lors despité

            Sera ton autorité
25        Et auras propserité :
                        Car sans demour,
            Seray tienne et sanz errour.
                        Promis le t’é :
            N’aréz vous de moy pité etc.