DCCXXXI. Je sui pour vous en petit ploy
Autre Virelay
Je sui pour vous en petit ploy,
En dur point, en povre conrroy :
Helas ! Pité, 194d
As tu tousjours si dure esté ?
5 Nennil, ce croy.
N’aras tu pas mercy de moy
En charité ?
Dont puet venir ceste durté ?
Elle vient par iniquité,
10 Bien le perçoy.
Et que deviandra Equité,
La dame de toute bonté ?
Ou sera Foy ?
Il m’est advis que je marvoy
15 Et que de l’amoureuse loy
Voy Fauceté
Souvent destruire Loyauté.
Telle est, ce croy,
Amours a chascun, cum je voy.
20 Ce m’a gasté.
Je sui pour vous [en petit ploy.]
M’amour, ma joye, ma santé,
Ou j’ay mis cuer et volenté,
Rouver vous doy.
25 Et pour ce, en grant humilité,
Le don de vostre affinité,
Dame, vous proy.
En tant que j’en aray l’octroy,
Vous me feréz tout mon arroy
30 Estre maté.
Rendu seray reconforté,
Tout esbanoy
Vendra dire : Resjoy toy
Sanz obscurté.
35 Je sui [pour vous en petit ploy.]