Virelay 42 : Mort felonne et despiteuse (DCCXXVI)

Autre Virelay

            Mort felonne et despiteuse,
            Fausse, desloyal, crueuse,
                        Qui regnes sanz loy,
            Je me plaing a Dieu de toy,
5          Car tu es trop perilleuse.

            Merveille est que ne marvoy,
                        Quant je voy  193c
            Morte la plus gracieuse,
            Et la meuldre en bonne foy
10                    Qui, je croy,
            Soit jamaiz, ne plus joyeuse.

            C’est par toy, fausse crueuse.
            Ta venue est trop doubteuse,
                        Tu n’as point d’arroy.
15        Espargner prince ne roy
            Ne veulx, tant es orguilleuse.
            Mort felonne [et despiteuse,]

            Pourquoy pren tu en tel ploy,
                        Dy le moy,
20        Joeune gent et vertueuse,
            Et espargnéz en recoy,
                        Par anoy,
            Viellesse la dolereuse ?

            Tu joues a la courseuse.
25        Orrible, laide et hideuse,
                        Fui t’en, je te proy.
            Va faire ailleurs ton envoy.
            T’acointance est hayneuse.
            Mort [felonne et despiteuse.]