Virelay 41 : Se ce n’est par vo deffaut (DCCXXV)

Virelay

            Se ce n’est par vo deffaut
            Ou que je pense trop haut,
            Ne me vueilliéz reffuser,     193b
            Car certes sans plus ruser,
5          Chiere dame, amer me faut.

            En vous veul mon temps user,
            Maiz le longuement muser
            Me liverroit trop d’assaut,
            Si ne pourroye durer.
10        Mesmement que l’esperer
            De vostre amour me deffaut.

            Helas ! bien say que ce vaut.
            J’en ay souvent froit et chaut,
            Sanz ce que reconforter
15        Me veulle Amours ne donner
            Bon espoir, car ne l’en chaut.
            Se ce n’est [par vo deffaut.]

            Maiz s’Amours veult tant ouvrer
            Qu’elle daigne a moy parler
20        Ou quelle die en sursaut :
            Poursui et pense d’amer,
            Tu aras doulx pour amer,
            Plus ne doubteray l’assaut

            De Desespoir qui m’assaut.
25        Lors seray vostre vassaut.
            De cuer, de corps, de penser
            Vous serviray sanz fausser,
            Et seray joyeux et baut.
            Se ce n’est [pas vo deffaut.]