Virelay 34 : Pour la grant amour que j’ay (DCCXVIII)

Virelay

            Pour la grant amour que j’ay
            A celle qui me tient gay,
            Veul porter en toutes choses
            Dorenavant toudiz roses.

5          Et certes bien le doy faire :
            Car la plaisant debonnaire
            A tant de douçour en ly
            Et si treshumble viaire
            Et tel corps qu’a tous doit plaire,
10        Tant est de maintien joly.

            Plus fresche que rose en may
            Est. Et en li, bien le say,
            Sont[1] toutes vertus encloses
            Et toutes viltéz forcloses.
15        Pour la grant [amour que j’ay.]

            De li ne me veul retraire,
            Car trop doucement attraire
            A volu le cuer de my
            Au lieu ou elle repaire
20        Auquel roses partout flaire,
            Des lors que premier la vy.

            Pour ce roses porteray.
            Partout, toudiz escriray :
            Hé ! cuer, con tu te reposes
25        Quant ce doulz mot escrire oses !
            Pour la grant amour que j’ay etc.

[1] Ms. Sur