Virelay 29 : Mon tresamoureux pensement (DCCXIII)

Autre Virelay

            Mon tresamoureux pensement,
            Je ne puis trop songneusement
            Loer vostre douce figure
            En laquelle a fourmé nature
5          Tout son noble assevissement,

            De qui me vient le souvenir,
            Riviere pour amans nourrir
            Ou je preing consolacion.
            Vostre gracieux souvenir,
10        Vostre bien qui ne puet fenir
            Retiennent en leur mencion,
            Ou je fu prins soudainement,
            Joeune, gente, et joliement,
            En remirant vo pourtrauture,         190c
15        Ou ma mort et vie figure,
            Se de vous n’ay alemgement.
            Mon tres amoureux pensement etc.