Virelay 28 : Tristour et merencolie (DCCXII)

Autre Virelay

            Tristour et merencolie
            M’ont long temps, par ma folye,
            Trop fait merencolier
            Cuer et corps afoiblier
5          Dont j’ay la chiere palye.
            Nulz ne s’en doit merveillier,
            Car je ne faiz que villier
                        Pour la maladie
            D’amours qui me fist lancier
10        Doulx regart pour moy blecier
                        Par dame jolye,
            De sens, de douceur garnie,
            Doubtee, ame[e] et cherie
            De moy, maiz amolier
15        Ne se veult, ne humilier
            Son cuer, dont je pers la vie.
            Tristour [et merencolie.]

            Las ! mon boire, mon mengier
            Est souvent de li prier
20                    Qu’elle ne m’occie.
            Maiz elle a le cuer si fier
            Que de moy s’enfuit arrier  190b
                        Comme je la prie,
            Et me dit par felonnie.
25        Pas ne seray vostre amie,
            Trop me poéz anoyer.
            Aléz vous pendre ou noyer,
                        Je ne vous vuel mie,
            Tristour [et merencolie.]

30        Si cuiday vif erragier
            Quant je me vis laid[eng]ier
                        Par telle estoutie,
            Maiz ja pour tout ce ne quier
            Ma chiere dame laissier.
35                    Ains sanz villenie,
            Sera de moy poursuie
            Et plus c’onques maiz servie.
            Car qui bien sert, bon loyer
            En voit on souvent paier,
40                   Quoy que nulz [en] dye.
            Tristour [et merencolie.]