Virelay 23 : Estes vous bien a vo plesir (DCCIV)

Autre Virelay

            Estes vous bien a vo plesir ?          188c
            Avéz vous bien vostre desir
            De veoir la doleur que j’ay ?
            Joye faites de mon esmay.
5          Dont puet tel plaisance venir ?

            Vous savéz mieulx que je ne sçay
            Les meschiefs et maulx que je tray
            Et tout ce que j’ay a souffrir
            Pour vostre amour dont je mourray.
10        Et qu’amans n’ot ains cuer plus vray
            Ne plus loyal pour vous servir

            Que j’ay, et me laisséz perir,
            Trambler, tressuer, tressaillir.
            helas ! dolereux, que feray ?
15        Par m’ame, je forseneray,
            Puis qu’ainsis me faictes languir.
            Estes vous bien [a vo plesir ?]

            De mal’eure vous regarday,
            Et trop persent furent li ray
20        De vos biaux yeux pour moy ferir,
            Du regart desquelz me navray
            Tant que jamays joye n’auray,
            Se Pitéz[1] ne me veult oyr.

            Comment se puet dame esjoïr
25        D’autrui mal ? c’est grant desplaisir
            A moy qui desservy ne l’ay.
            Maiz pour vousp laire soufferray.
            Bien veuil estre vostre martir :
            Estes vous bien a vo plaisir etc.

[1] Ms. Pitelz