Virelay 17 : Cuer loyal, juene et vertueux (DLXXXIX)

Autre Vierlay

            Cuer loyal, juene et vertueux,
            Cuer vray, cuer gay, cuer amoureux,
            Cuer hault, cuer noble et cuer hardy,
            Cuer plus vaillant que je ne dy,
5          Vous faictes le mien dolereux.

            Corps puissant, courtoys et appert,
            Corps bien formé, courage vert,
            Chief blont, face bien coulouree,
            Qui en tous lieux sages appert,
10        Doulz, courtoiz, qui onques ne pert
            Grace, senz, amour, renommee,

            Li myeudres, li plus gracieuxx,
            Li mieux chantans, li plus joyeux
            C’on puist trouver, ne c’onques vy,
15        Vo grant bien a mon cuer ravy,
            Tant qu’améz seres de moy seulz,
            Cuer loyal, [juene et vertueux],

            Amis, je suis en un desert,
            Quant vostre cuers que li mienssert
20        S’en va en estrange contree,
            Et pas ne vous ay descouvert
            La grant amour, n’aussi ouvert
            Ma triste et dolente pensse.          179a

            Pour ce, des larmes de mes yeux
25        Priray les deesses et dieux
            D’amours qu’en leur grace et mercy
            Vous veillent brief ramener cy,
            En recevant mes lains piteux,
            Cuer loyal, [juene et vertueux].