Virelay 16 : Or a mon cuer ce qu’il vouloit (DLXXXVIII)

Virelay

            Or a mon cuer ce qu’il vouloit,
            Or a mon cuer ce qu’i[1] queroit,
            Or a mon cuer son cray desir,
            Or a mon cuer tout son plesir,
5          Or a tout ce qu’il desiroit,

            La bonté, la beauté, l’onnour,
            La rose, la fresche coulour,
            La plus plaisant, la plus amee,
            La mieulx garnie de douçour,
10        Et la plus amoureuse flour
            Qui onques fust au monde nee.

            Celle de qui nulz ne saroit
            Descripre les biens, ne pourroit
            Ancre, papier ne plume offrir,
15        Ne langue ne pourroit souffrir
            De la louer selon son droit.
            Or a mon cuer [ce qu’il vouloit]

            C’est Pallax, deese d’amour,
            Et mon refuge et mon demour.
20        C’est ma joye et paix ordonee,       178d
            C’est la fin de tout mon labour,
            C’est ma vie et ce[2] que j’aour,
            C’est ma joyeuse destinee,

            C’est celle que mon cuer conoit,
25        C’est celle que mon cuer servoit,
            C’est celle qui fait repartir
            Mon cuer d’amour, et remerir.
            Folz est qui plus demanderoit.
            Or a mon cuer etc.[3]

[1] Saint Hilaire corrige en qu’il

[2] Ms. le

[3] Saint Hilaire rétablit Or a mon cuer ce qu’il vouloit.