Virelay 18 : A ce bon jour que temps se renouvelle (DXCIII)

Virelay

            A ce bon jour que temps se renouvelle,
            Que moys et ans et la lune est nouvelle,
            Vous doing mon cuer, mon corps et quanque j’ay,
            Comme cellui qui tous vostres seray
5          A tous jours maiz, ma dame bonne et belle.

            Or vous plaise, tresdouce damoiselle,
            Quant feruz sui d’amoureuse estincelle,
            Moy retenir, et lors m’esjoiray.
            Sinon je sui en la mer sanz nacelle,
10        Prés de perir, se Pitéz ne m’appelle.
            En ce tourmant par reffus periray,
            Maiz a Amour et a vous m’atendray.
            Juges vous faiz tous deux de ma querelle,
            A ce bon jour [que temps se renouvelle].