Virelay 14 : Va, Espoir, et va Doulz Penser (DLXVIII)

Virelay

            Va, Espoir, et [va] Doulz Penser,
            Au bel, au bon, au gent, au cler,
                        Au gracieux,
            Au loyal, au vray amoureux,
5          Et li fay tout bien esperer.

            Car bon renon me fait amer
            Et Pité mon amy clamer
                        Le dolereux
            Qui ne fait que grace louer.
10        Par honneur bien doit recouvrer
                        Le temps joyeux.

            Pour ce [je] veil mon cuer donner :
            Joir en puet et ordonner
                        Desor tous ceulx,
15        Maugré Dangier le dangereux,
            Pour mesdisans faire crever.         176d
            Va Espoir [et va Doulz Penser].