Virelay 13 : Comment pourra mon cuer durer (DLXVII)

Autre Virelay

            Comment pourra mon cuer durer, 176c
            Ne les doulz regars endurer,
                        De voz biaux yeux ?
            Se Bon Espoir ne me fait mieulx
5          Que je n’ay, il me faut finer.

            En trayent m’ont volu navrer
            Jusqu’au cuer par leur resgarder
                        Tresperilleux,
            Dont du trait ne[1] puis respasser,
10        Maiz m’en convendra trespasser :
                        Aide moy, Dieux !

            Fay que Pité veille garder
            Et Bon Espoir resconforter
                        Mon plain[t] piteux,
15        Car ce[2] Dangier, le despiteux,
            Me nuit, je doy bien demander
            Comment pourra [mon cuer durer].

[1] Ms. me

[2] Saint Hilaire corrige en se