Virelay 9 : Lasse, je pleure et lermie (DLXIII)

Virelay

            Lasse, je pleure et lermie,   175c
            Et ce dolent temps renye,
            Ou chascun veult estre caut
            A convoitier, et tressaut
5          De senz en forcenerie.

            Souffisance est amortie,
            Chascuns point comme l’artie,
            Car le fort le foible assaut.
            Volentéz a signorie,
10        Qui pour droit regne en partie.

            Traïson vient en sursaut,
            Qui des bons fait departie.
            Ainsi sui je departie
            De Tristesse qui m’assaut,
15        Qui maint trist[e] et dolent saut[1]
            Me fait faire la nuitie.
            Lasse, je pleure [et lermie].

            Tour n’y voy fors que je prye
            Verité qu’elle l’escrye
20        Et chante a chascun treshaut,
            Et par doulce melodie,
            Par quoy les cuers amolie,
            Qui sont en mal faire chaut,

            Tant que sa voyx soit oye
25        Et toute ame resjoye,
            Et face que joye saut
            Et convoitise s’en aut,
            Vieigne bonne compaignie.
            Lasse, je pleure [et lermie].

[1] Ms. assaut