Virelay 8 : Je ne voy amy n’amye (DLXII)

Autre Virelay

            Je ne voy amy n’amye
            Ne personne qui bien dye,
            Toute leesse deffaut,
            Tous cuers ont prins par assaut
5          Tristesse et merencolie.

            Au jour d’ui n’est ame lie,
            On ne chant n’esbanie,
            Chascun cuide avoir deffaut.
            Li uns a sur l’autre envie
10        Et mesdit par janglerie.
            Toute loyauté deffaut.

            Honneur, amour, courtoisie,
            Pité, largesse est perie,
            Mais convoitise est en hault[1]
15        Qui fait de chascun versaut,
            Dont joye est anyentie :
            Je ne voy [amy n’amye]

            Trop regne dolente vie.
            Cest age ne durra mie,
20        Car d’onneur a nul ne chaut.
            Cognoisance est endormie,
            Vaillance n’est a demie
            Cogneue ne mise en haut,

            Loyauté, sanz[2], preudommye
30        Ne bontéz n’est remerye.
            On lieve ce qui ne vaut,
            Et ainsis tout perdre faut,
            Par non senz et par folye.
            Je ne voy [amy n’amye]

[1] Ms. fault

[2] Saint Hilaire corrige en senz