Virelay 7 : Pour vous sui entréz en amour (DLXI)

Virelay

            Pour vous sui entréz en amour,
            Par vous sui je en toute baudour,
            Par vous suis je joly et gay,
            Pour ce tous jours vous serviray
5          Comme la souveraine flour

            De beauté, de bonté, d’onnour,
            De bien, de joye et de valour,
            Tout le souverain bien que j’ay,
            Mon desir, ma paix, ma douçour,
10        Tout mon refuge et mon recour
            Ou je me reconforteray,

            Con la plus belle et la millour
            Qui soit ne puist vivre a ce jour,
            Que toute ma vie ameray,
15        Et joyeusement chanteray
            Pour elle ou je faiz mon demour : 175b
            Pour vous sui entrés [en amour]