Virelay 6 : A ce premier jour de may (DLIX)

Autre Virelay

            A ce premier jour de may
            Plain de joye et de verdure,
            Ne me veilliéz estre dure,
            Dame, ains me gettéz d’esmay.

5          Faictes mon triste cuer gay,
            De vo douce norreture
            Par doulx octroy que je n’ay.
            Lors aray douce pasture,
            Liéz, jolis, joyeux seray
10        Plus que nulle creature.
            Si non de joye n’ay cure :
            Tristes, dolens lenguyray
            A ce premier [jour de may]

            Tous vostres sui, or m’esmay
15        Que vous ne sachéz m’ardure.
            Dire ne vous puis, ne say,
            Con je vous ain sanz laidure.
            Pour ce en ce doulx temps priray  175a
            Que mon fait prenéz en cure :
20        Du tout est en aventure,
            Cuer et corps, et quanque j’ay
            A ce premier [jour de may]