Virelay 5 : Je veil prendre reconfort (DLVIII)

Virelay

            Je veil prendre reconfort :
            Puis que je [ne] puis au fort           174d
            Acomplir ma volenté,
            Estre doy reconforté.
5          Qui se couresse, il a tort.

            Long temps me sui demanté,
            Complaint, gemi, tourmenté,
            Pour celle dont j’ay l’accort,
            Qui est la fleur de bonté,
10        De senz et d’umilité,
            De bien, d’onneur le droit port.

            Maiz Envie, qui ne dort,
            M’a tolu, par son effort,
            M’amour, ma paix, ma santé,
15        Sanz cause, et de volenté.
            Dont pour les griefs maulx que port
            Je veil [prendre reconfort]