Rondeau 166 : Qui bien vivre veult en son mariage (MCCCXXXVII)
Rondeau
Qui bien vivre veult en son mariage,
Aveugles soit et sourt sanz rien oir,
Et se gart bien de sa femme enquerir.
Qui en enquiert, il ne fait pas que saige.
5 Nulz homs ne doit [voir] ce qu’il veult querir,
Qui bien vivre veult en son mariage.
Car s’il troivoit villenie ou oultrage,
Il ne pourroit jamais du mal guerir.
Pour ce, se doit de l’enquerre soufrir :
10 Qui bien vivre veult en son mariage,
Aveugle soit et sourt sanz rien oir,
Et se gart bien de sa femme enquerir.