Rondeau 165 : Il a a Prage trois citéz (MCCCXXX)
Rondeau
Il a a Prage trois citéz 360c
Et mainte grant et noble eglise,
Et gens devoz, dont je les prise.
A messe oïr sont exitéz.
5 Il a a Prage trois citéz.
Es moustiers, sur tous les autelz
Sont prestres faisans le servise,
Peuple partout et sanz faintise.
Il a a Prage trois citéz
10 Et mainte grant et noble eglise,
Et gens devos, dont je les prise.