Rondeau 164 : Eureux est homs de bon pais (MCCCXXVIII)

Autre rondeau

                        Eureux est homs de bon pais
                        Ou il court justice et raison,
                        S’il a vivre, terre ou maison.
                        Mais qu’il ne soit de nul hais
5                      Et face bien toute saison,
                        Eureux est homs de bon pais !
                        De nul ne sera envahis,
                        Se ce n’estoit par traison.
                        Car, puis qu’il ne fait desraison,
10                    Eureux est homs de bon pais,
                        Ou il court justice et raison,
                        S’il a vivre, terre ou maison.