Rondeau 163 : L’en doit bien le pais amer (MCCCXXVII)
Autre rondeau
L’en doit bien le pais amer
Ou l’en a ce qu’om veult avoir
Pour le sien, et pour pou d’avoir : 360b
Bon poisson d’eaue et de mer,
5 Bons vins et chars a son vouloir.
L’en doit bien le pais amer.
Estre asseur, venir et aler,
Soy[1] logier en plaisant manoir,
Bien couchier, et a dire voir,
10 L’en doit bien le pais amer
Ou l’en a ce qu’om veult avoir
Pour le sien, et pour pou d’avoir.
[1] Ms. Et soy