Rondeau 162 : Poulz, puces, puour et pourceaulx (MCCCXXVI)
Rondeau
Poulz, puces, puour et pourceaulx
Est de Bahaingne la nature,
Pain, poisson sallé et froidure,
Poivre noir, choulz pourriz, poreaulx,
5 Char enfumee, noire et dure.
Poulz, puces puour et pourceaulx.
Vint gent mangier en deux plateaux,
Boire servoise amere et sure,
Mal couchier, noir, paille et ordure,
10 Poulz, puces, puour et pourceaulx
Est de Behaingne la nature,
Pain poisson sallé et froidure.