Rondeau 161 : Qui veult sur femme regarder (MCCCXXIV)
Rondeau
Qui veult sur femme regarder,
Il grevera trop son regart.
Pour ce, d’y regarder se gart.
Car nulz ne puet femme garder
5 Sanz getter ses oeulx quelque part,
Qui veult sur femme regarder.
Plus voit de lui suspeçonner,
Plus de faire son vouloir art.
Si tien l’omme foul et musart
10 Qui veult sur femme regarder,
Il grevera [trop] son regart.
Pour ce, d’y regarder se gart.