Rondeau 167 : Il me semble qu’il gist trop aise (MCCCLXXXIV)
Rondeau
Il me semble qu’il gist trop aise
Qui gist plus aise qu’a par lui,
Car il n’est de nul assailli.
Homs seulz ou lit se tourne et aise, 388c
5 Mais se deulx sont, il a failli :
Il me semble qu’il fist trop aise.
Pour oster donc toute mesaise
Et qu’on ne se descueuvre si
Pour trop chaut, pour trop froit aussi,
10 Il me semble qu’il fist trop aise
Qui fist plus aise qu’a[1] par lui,
Car il n’est de nul assailli.
[1] Ms. que