Rondeau 140 : Nulz ne tendy oncques a cheval d’or (DCCVII)
Rondel
Nulz ne tendy oncques a cheval d’or
Qu’il n’en eust la bride a son vivant,
Se du querir fu sage et diligent.
Diligence est un tresnoble tresor
5 Et qui a fait enrichir mainte gent.
Nulz [ne tendy oncques a cheval d’or
Qu’il n’en eust la bride a son vivant.]
Le contraire ne vy oncques encor,
Maiz j’ay vey povre le negligent.
10 Or y penséz et sachéz vrayement :
Nulz ne tendy [oncques a cheval d’or
Qu’il n’en eust la bride a son vivant,
Se du querir fu sage et diligent.]