Rondeau 139 : Au monde n’a au jour d’ui que ces deux (DCCVI)
Autre Rondel
Au monde n’a au jour d’ui que ces deux,
Eur et meseur, a tout considerer,
Dont l’un fait bien et l’autre desperer.
Aler partout puet cilz qui est eureux,
5 On ne lui puet ne nuire, ne grever.
Au monde n’a [au jour d’ui que ces deux,
Eur et meseur, a tout considerer.]
Maiz bien se gart toudiz le maleureux,
Car il ne puet fors meschance trouver.
10 Chascuns li nuit, si puis dire et prouver :
Au monde n’a au jour d’ui que ces deux,
[Eur et meseur, a tout considerer,
Dont l’un fait bien et l’autre desperer.]