Rondeau 141 : Joyeusement, joyeux et plains de joye (DCCLXI)
Rondeau
Joyeusement, joyeux et plains de joye,
M’esjoiray pour vostre amour joyeuse,
Dame que j’aim, plus qu’autre gracieuse.
Car quant vous voy tous li cuers me resjoye
5 Pour la douceur de la vie amoureuse
Joyeusement, [joyeux et plains de joye,
M’esjoiray pour vostre amour joyeuse.]
Si qu’en tous lieux, quelque part que je soye,
Le doulz espoir dont ma vie est eureuse
10 Me tendra gay. Pour ce, fleur[1] precieuse,
Joyeusement, [joyeux et plains de joye,
M’esjoiray pour vostre amour joyeuse,
Dame que j’aim, plus qu’autre gracieuse.]
[1] Ms. humble fleur