Rondeau 137 : Je ne say que ce puet estre (DCC)

Autre Rondel

                        Je ne say que ce puet estre :                                                              187d
                        J’aime ce qui me destruit,
                        Et plus l’aime et plus me nuit,
                        Et con berbis me fait pestre.
5                      Dont puet tel voulenté nestre ?
                        Penséz y toutes et tuit.
                        Je ne say [que ce puet estre :
                        J’aime ce qui me destruit.]
                        Ainsis m’est amour senestre,
10                    Qui me rent dolereux fruit
                        Pour bien amer jour et nuit.
                        Je ne say que ce puet estre :
                        J’aime ce qui me destruit,
                        Et plus l’aime et plus me nuit.]