Rondeau 136 : Doulz amis, ne veuilléz croire (DCXCIX)
Rondel
Doulz amis, ne veuilléz croire
Chose qui vous desconforte,
Ne jangler c’on vous rapporte
De moy qui suis vostre gloire.
5 Loyal vous seray et voire,
Et contre touz ferme et forte.
Doulz amis, [ne veuilléz croire
Chose qui vous desconforte.]
Ayéz m’amour en memoire,
10 Et queréz d’onneur la porte.
Puisque je vous reconforte
Sur amours aréz victoire.
Doulz amis, [ne veuilléz croire
Chose qui vous desconforte,
Ne jangler c’on vous rapporte.]