Rondeau 135 : Tresdoulx amis, pour chose c’on vous dye (DCXCVIII)
Autre Rondel
Tresdoulx amis, pour chose c’on vous dye,
Ne creéz ja qu’en tout vostre ne soye,
Car vostre sui. Pourquoy ne le seroye ?
Mon cuer avéz, m’amour estes, ma vye,
5 Mon bien mondain, mon honour et ma joye.
Tresdoulx amis, [pour chose c’on vous dye,
Ne creéz ja qu’en tout vostre ne soye.]
Ne d’autre amer n’aray jamais envie :
Rien ne desir fors que toudiz vous voye.
10 Et quant si fort mon cuer a vous s’avoye,
Tresdoulx amis, pour chose c’on vous dye,
[Ne creéz ja qu’en tout vostre ne soye,
Car vostre sui. Pourquoy ne le seroye ?]