Rondeau 131 : Doulx amis, ne faictes conte (DCXCIV)

Rondel

                        Doulx amis, ne faictes conte
                        De faulx rapport c’on vous face,
                        Car vous estes en ma grace.
                        Chasséz hors paour et honte,
5                      Ne doubtéz rien leur menace.
                        Doulx amis, [ne faictes conte
                        De faulx rapport c’on vous face,]
                        Vo grant bien m’amour seurmonte,
                        Qui toute autre en moy efface,
10                    Vostre sui en toute place.
                        Doulx amis, ne faictes conte
                        [De faulx rapport c’on vous face,
                        Car vous estes en ma grace.]