Rondeau 132 : Bien pert son temps, son parler, sa saison (DCXCV)
Autre Rondel
Bien pert son temps, son parler, sa saison,
Qui me blame mon doulx loail amay,
Que j’aime tant et aussi fait il my.
Cilz est trop folz qui m’en met a raison,
5 Quant ja nul jour mal ne trovay de ly.
Bien pert son temps, son parler, sa saison
[Qui me blame mon doulx loial amy.]
Car son jangler me donna ochaison
De plus amer et honourer cely
10 Qu’i[1] veult blamer. Et puisqu’il est ainsi,
Bien pert son temps, [son parler, sa saison,
Qu’i me blame mon doulx loial amy,
Que j’aime tant et aussi fait il my.]
[1] Saint Hilaire corrige en Qu’il