Rondeau 130 : Certes, cuers, je te renye (DCXCIII)
Autre Rondel
Certes, cuers, je te renye,
Quant tu ne veulx descouvrir
L’amour qui me fait languir.
Dont te vient tel couardye ?
5 Veilles ton corps secourir.
Certes, cuers, [je te renye,
Quant tu ne veulx descouvrir.]
Ayéz la chiere hardie, 187b
Dy hardiement ton desir.
10 Car se tu me faiz mourir,
Certes, cuers, [je te renye,
Quant tu ne veulx descouvrir
L’amour qui me fait languir.]