Rondeau 129 : Couardement et trop acouardis (DCXCII)
Rondel
Couardement et trop acouardis
Est mon las cuer, comme lievres couars,
Qui pour amer est tous bruis et ars,
Dire n’ose ses doleurs, li chetiz,
5 Qui fait son cuer trambler de toutes pars.
Couardement et trop [acouardis
Est mon las cuer, comme lievres couars.]
Tresmaleureux, parle, soyes hardiz :
Veulz tu mourir de ta parole eschars ?
10 Conte ton fait, mauditte soit ta chars !
Couardement [et trop acouardis
Est mon las cuer, comme lievres couars,
Qui pour amer est tous bruis et ars.]