Rondeau 128 : Tresdoulx amis, se vous saviéz le quart (DCXCI)
Autre Rondel
Tresdoulx amis, se vous saviéz le quart
Des maulx que j’ay pour vostre departie,
Vostre franc cuer en porteroit[1] partie.
Car je ne puis reposer nulle part
5 Pour vostre amour. Ne vous ne durriéz mie,
Tresdoulx amis, [se vous saviéz le quart
Des maulx que j’ay por vostre departie.]
Doulx penser vient et le frant desir m’art
Qu’ay de veoir vo manniere jolye.
10 Maiz trop seriéz en grant merencolie,
Tresdoulx amis, [se vous saviéz le quart
Des maulx que j’ay pour vostre departie.
Vostre franc cuer en porteroit partie.]
[1] Ms. emporteroit